საქართველოს
სახელმწიფო
გერბი
საიტი დამზადების
პროცესშია

მესტიის
მუნიციპალიტეტის
გამგეობა
საიტი დამზადების
პროცესშია
  2017-09-03

 3 სექტემბერს მესტიის მუნიციპალიტეტში სტარტი ISAF-ის მისიაში გმირულად დაღუპული მე-3 ქვეითი ბრიგადის 31-ე ქვეითი ბატალიონის, სამხედრო მოსამსახურის, უფროსი ლეიტენანტის, მუხრან შუკვანის სახელობის გარდამავალი თასის 3 დღიანმა ტურნირმა მინი ფეხბურთში. მუხრან შუკვანი 2010 წლის 5 სექტემბერს, ჰელმანდის პროვინციაში სნაიპერის ტყვიით დაიღუპა. სიკვდილის შემდეგ ის ვახტანგ გორგასლის პირველი ხარისხის ორდენით დაჯილდოვდა.

ტურნირი 3 სექტემბერს მესტიის მუნიციპალიტეტის გამგებელმა კაპიტონ ჟორჟოლიანმა მუხრან შუკვანის მამასთან, ბატონ სოსო შუკვანთან ერთად გახსნა. გახსნით ღონისძიებაში მონაწილეობა მიიღო მესტიის ფოლკლორულმა ანსამბლმა რიჰომ და აჟღერდა საქართველოს ეროვნული ჰიმნი.
ტურნირი მეოთხე წელია ტარდება საქართველოს თავდაცვის სამინისტროს სახმელეთო ჯარების ინიციატივითა და მესტიის მუნიციპალიტეტის გამგეობის ორგანიზებით და ფინანსური მხარდაჭერით.
ტურნირში მესტიის რაიონის სხვადასხვა სოფლის გუნდებთან ერთად საქართველოს შეიარაღებული ძალებიდან დაკომპლექტებული 5 გუნდი მონაწილეობდა. ფინალში ერთმანეთს შეხვდნენ მესტიის მუნიციპალიტეტის ცხუმარის ტერიტორიული ერთეულის და IV მექანიზებული ბრიგადის საფეხბურთო ნაკრები გუნდები. ტურნირში დამაჯერებელი გამარჯვება მოიპოვა ცხუმარის საფეხბურთო გუნდმა. 
დაჯილდოების ცერემონიას ესწრებოდნენ მესტიის მუნიციპალიტეტის გამგებელი კაპიტონ ჟორჟოლიანი, სოსო შუკვანი, საქართველოს შეიარაღებული ძალების გენერალური შტაბის უფროსი, გენერალ-მაიორი ვლადიმერ ჩაჩიბაია, გენერალური შტაბის უფროსის მოადგილე, ბრიგადის გენერალი ზაზა ჩხაიძე, სახმელეთო ჯარების აღმოსავლეთ სარდალი, პოლკოვნიკი შავლეგო ტაბატაძე, პოლკოვნიკი მალხაზ მერლანი და სხვა სამხედრო პირები.
I და II ადგილზე გასული გუნდები დაჯილდოვდნენ მედლებით, სიგელებით და თასებით. ტურნირის გარდამავალი თასი გამარჯვებულ გუნდს გადასცა ბატონმა სოსო შუკვანმა. დაჯილდოვდნენ ასევე სხვადასხვა ნომინაციებში გამარჯვებული ფეხბურთელები, კერძოდ: საუკეთესო მეკარე – ილია ლოცულაშვილი, საუკეთესო ბომბარდირი – თამაზ გოგსაძე, საუკეთესო ფეხბურთელი – ირაკლი ცომაია და ყველაზე პატარა მონაწილე – მალხაზ არღვლიანი. მესტიის მუნიციპალიტეტის გამგებელმა კაპიტონ ჟორჟოლიანმა ჩამოსულ სტუმრებს გადასცა სიმბოლური საჩუქრები, სვანური ქუდები და წიგნები. 
ფინალური თამაშის დასრულების შემდეგ საქართველოს შეიარაღებული ძალების გენერალური შტაბის უფროსმა, გენერალ-მაიორმა ვლადიმერ ჩაჩიბაიამ მუხრან შუკვანის საფლავი გვირგვინით შეამკო. აღსანიშნავია, რომ ორგანიზატორებმა ფინალის დღე უფროსი ლეიტენანტ მუხრან შუკვანის დაღუპვის დღეს დაამთხვიეს.

  2017-09-01

1 სექტემბერს ახალგაზრდულ კლუბ "ბეთქილში" 11:00 საათზე გაიმართა "სიცოცხლის ფესტივალი" ბერი ანდრიას ფონდის წარდგენით. 
სექტემბერი ბავშვთა კიბოსთან ბრძოლის თვეა, სწორედ ამ დღესთან დაკავშირებით გაიმართა პრეზენტაცია ფონდის საქმიანობის შესახებ. ფესტივალის ფარგლებში მოხდა 8 წლიანი ისტორიის ამსახველი ფოტო-გამოფენა. 
ახალგაზრდულ კლუბ ბეთქილში დამსწრე საზოგადოებას შესაძლებლობა ჰქონდათ შეეძინათ ბრენდირებული ჭიქები, შემოსული თანხა სრულად ჩაირიცხება ბერი ანდრიას სახელობის ფონდის "ბედნიერი სახლის" მშენებლობის ანგარიშზე.

  2017-09-01

1 სექტემბერს მესტიის მუნიციპალიტეტის გამგეობის სააქტო დარბაზში საქართველოს გარემოსა და ბუნებრივი რესურსების დაცვის მინისტრის პირველმა მოადგილემ სოლომონ პავლიაშვილმა ხე–ტყით სარგებლობასთან დაკავშირებით სამუშაო სახის შეხვედრა გამართა. შეხვედრას ესწრებოდნენ ტყის სარგებლობის დეპარტამენტის უფროსი გიგა ბლიაძე, შიდა კონტროლის სამსახურის უფროსი ბესო მარტიაშვილი, შიდა კონტროლის სამსახურის უფროსის მოადგილე ზურად კიროხაშილი, ვიქტორ ჯაფარიძე და დაინტერესებული პირები. 
ბატონმა სოლომონმა ხე–ტყის დამამზადებელ პირებს გააცნო ინფორმაცია იმის შესახებ თუ რა ცვლილებებია კანონმდებლობაში აღნიშნულ საკითხთან დაკავშირებით და რა ღონისძიებების გატარება იგეგმება სამინისტროს მხრიდან. შეხვედრამ კითხვა–პასუხის რეჟიმში ჩაიარა საინტერესოდ ჩაიარა.

3
...