საქართველოს
სახელმწიფო
გერბი
საიტი დამზადების
პროცესშია

მესტიის
მუნიციპალიტეტის
გამგეობა
საიტი დამზადების
პროცესშია
  2017-09-12

12 სექტემბერს, 16 საათზე, მესტიის ისტორიულ-ეთნოგრაფიული მუზეუმის სააქტო დარბაზში ჩატარდა, ქართველი პოეტისა და საზოგადო მოღვაწის ერეკლე საღლიანის შემოქმედებითი საღამო. ავტორზე და მის შემოქმედებაზე ბევრი ისაუბრეს მისმა მეგობრებმა და მოწვეულმა სტუმრებმა.
საღამო მიჰყავდა მსახიობსა და პოეტს, უნიჭიერეს დეკლამატორს, ელდინო საღარაძეს, შემოქმედებითი საღამოს მსვლელობისას სიტყვით გამოვიდნენ, ერეკლეს ლექსები წაიკითხეს და ისაუბრეს მის შემოქმედებასა და პიროვნებაზე მესტიის მუნიციპალიტეტის გამგებლის პირველმა მოადგილემ ნელი ნავერიანმა, მთამსვლელმა, ჟურნალისტმა და რადიოწამყვანმა ივანე ჯაფარიძემ; მწერალმა, მთარგმნელმა, აფხაზეთის მწერალთა კავშირის, ახალგაზრდული ფრთის, თავმჯდომარის მოადგილემ ნიკა ბაძაღუამ; პოეტმა, საქართველოს მწერალთა კავშირის წევრმა მაკა ბლიაძემ; რეჟისორმა, მწერალმა, ლიტერატურათმცოდნე ალეკო მესხორაძემ; საქართველო-უკრაინის კულტურულ ურთიერთობის უნივერსიტეტის რექტორმა, აკრედიტებულმა პროფესორმა ავთო გეწაძემ; საქართველოს, ეროვნული მუზეუმის კონსულტანტმა ციალა ჩართოლანმა; სოფ.ეცერის(ბარშის) საბავშვო ბაღის გამგემ რიდა საღლიანმა; მესტიის პირველი საჯარო სკოლის, უცხო-ენის პედაგოგმა ციური გაბლიანმა; მესტიის მკვიდრმა დავით გვარლიანმა; ცნობილმა მთამსვლელმა ნაზო ხერგიანმა; ადგილობრივმა მკვიდრმა ნოფე გვარლიანმა; უნიჭიერესმა ჟურნალისტმა, პოეტმა და პუბლიცისტმა ეთერ მჭედლიანმა; პოეტმა გოგუცა ხერგიანმა და სახალხო მთქმელმა ლელა რატიანმა. საღამომ წარუშლელი შთაბეჭდილება მოახდინა დამსწრე საზოგადოებაზე.

  2017-09-09

9 სექტემბერს აფხაზეთის ავტონომიური რესპუბლიკის მთავრობის ეგიდით, აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრომ მესტიის მუნიციპალიტეტში ადგილობრივი მოსახლეობისთვის პროფილაქტიკურ სამედიცინო გასინჯვები ჩაატარა.
აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროსა და „გ.ჩაფიძის სახელობის გადაუდებელი კარდიოლოგიის ცენტრის“ ერთობლივი აქცია ურთიერთთანამშრომლობის მემორანდუმის ფარგლებში ჩატარდა, ხოლო 10 სექტემბერს სამინისტრომ ჩაატარა ანალოგიური ღონისძიება ჭუბერში.
ერთობლივი სამედიცინო ჯგუფის შემადგენლობაში იყვნენ: ოჯახის ექიმი, პედიატრი, კარდიოლოგი (ეკგ აპარატით), ნევროლოგი, გინეკოლოგი, ქირურგი, ოფთალმოლოგი, ენდოკრინოლოგი, ულტრასონოგრაფიის აპარატურით აღჭურვილი სპეციალისტი, ოტორინოლარინგოლოგი, დერმატოლოგი, ონკოლოგი, უროლოგი.
საჭიროების მიხედვით ჩატარდება ინსტრუმენტული გამოკვლევები (ექოკარდიოსკოპია, მუცლის ღრუს ორგანოებისა და ფარისებრი ჯირკვლის ულტრასონოსკოპია; ელექტროკარდიოგრაფია), გლუკოზის დონისა და ქოლესტერინის განსაზღვრა სისხლში, ასევე C ჰეპატიტის სკრინინგული გამოკვლევა.
სამედიცინო ჩვენებებით აფხაზეთიდან დევნილის სტატუსის მქონე მოსახლეობაზე გაიცა მკურნალობისთვის საჭირო მედიკამენტები უფასოდ. 
უფასო სამედიცინო აქციით მესტიის ამბოლატორიულ საავადმყოფოში სულ ისარგებლა 205–მა ადამიანმა.

  2017-09-06

დაბა მესტიაში დაიწყო ფეხბურთისა და ჩოგბურთის სპორტული მოედნების მოწყობა. სამუშაოებს ახორციელებს მესტიის მუნიციპალიტეტის გამგეობის მიერ გამოცხადებულ ელექტონულ ტენდერში გამარჯვებული კომპანია შპს "დოკა სპორტი". (ტენდერი შეგიძლიათ იხილოთ სახელმწიფო შესყიდვების ერთიანი ელექტრონული სისტემის ოფიციალურ ვებ–გვერდზე: www.procurement.gov.ge, ტენდერის ნომერია NAT170008359) პროექტის ღირებულება შეადგენს 370152 ლარს. სამუშაოების დასრულების ვადაა 2017 წლის 26 ნოემბერი.

2
...