საქართველოს
სახელმწიფო
გერბი
საიტი დამზადების
პროცესშია

მესტიის
მუნიციპალიტეტის
გამგეობა
საიტი დამზადების
პროცესშია
  2017-07-26

უღვირის უღელტეხილზე მესტია–უშგულის გზის 10 კმ–იანი მონაკვეთის სარეაბილიტაცია სამუშაოები დღეს მესტიის მუნიციპალიტეტის საკრებულოს თავმჯდომარემ მაიზერ ჯაფარიძემ, საკრებულოს თავჯდომარის მოადგილემ ზაურ ჩართოლანმა და საკრებულოს დეპუტატმა ვახტანგ ნაკანმა დაათვალიერეს. 
შეგახსენებთ რომ ზემო სვანეთის რეგიონში, ტურისტული ინფრასტრუქტურის განვითარების ხელშეწყობის მიზნით ზუგდიდი-ჯვარი-მესტია-ლასდილის საავტომობილო გზის 10 კილომეტრიანი მონაკვეთის სარეაბილიტაციო სამუშაოები ხორციელდება.
ხელშეკრულების მიხედვით რეაბილიტაციის თანხა შეადგენს 9 150 000 (ცხრა მილიონ ასორმოცდაათი ათასი) ლარს. სამშენებლო სამუშაოებს ასრულებს ელექტრონულ ტენდერში (NAT160003044) გამარჯვებული სამშენებლო კომპანია შპს „მამისონი“. პროექტს ახორციელებს საქართველოს რეგიონული განვითარებისა და ინფრასტრუქტურის სამინისტროს საქართველოს საავტომობილო გზების დეპარტამენტი.

  2017-07-25

“ერთად ვიზრუნოთ თქვენს ჯანმრთელობაზე!”- აღნიშნული ლოზუნგით კ.ერისთავის სახელობის ექსპერიმენტული და ქირურგიის ეროვნული ცენტრის ექიმებმა მოსახლეობის უფასო გასინჯვის აქცია მესტიის მუნიციპალიტეტში ჩაატარეს.
აქციის ფარგლებში უფასო კონსულტაციები აწარმოეს ცენტრის სხვადასხვა პროფილის მაღალპროფესიონალმა ექიმებმა. მონაწილეობდნენ: ზოგადი ქირურგი, გინეკოლოგი, უროლოგი, ოფთლმოლოგი, ოტო–რინო–ლარინგოლოგი, თერაპევტი, კარდიოლოგი, ნევროპათოლოგი, სისხლძარღვთა ქირურგი, რადიოლოგი, ენდოკრინოლოგი.
პაციენტებს ჩაუტარდათ უფასო ექოსკოპიური და კარდიოლოგიური გამოკვლევები, სისხლში გლუკოზის განსაზღვრა.
აქციაში მონაწილეობა მიიღო 110–მა ადამიანმა, ჩატარდა 500–მდე კონსულტაცია და კვლევა. 
აქციის შედეგად დიაგნოსტირებული დაავადებების სამკურნალოდ დანიშნული მედიკამენტები გაიცა უფასოდ, დარიგდა 4200 ლარის მედიკამენტი.
აქცია მესტიის მუნიციპალიტეტის გამგეობის, საქართველოს შრომის, ჯანმრთელობისა და სოციალური დაცვის სამინისტროს და საგანგებო სიტუაციების კოორდინაციისსა და სასწრაფო დახმარების ცენტრის ორგანიზებით გაიმართა. 
ღონისძიებას მესტიის საავადმყოფომ და მისმა ხელმძღვანელმა თენგიზ ჩართოლანმა უმასპინძლა. 
უახლოეს დღეებში კ. ერისთავის სახ.ექსპერიმენტული და კლინიკური ქირურგიის ეროვნული ცენტრსა და მესტიის მუნიციპალიტეტს შორის გაფორმდება მემორანდუმი, რომელიც ითვალისწინებს მჭიდრო თანამშრომლობას პაციენტთა მკურნალობის და ზოგადად მესტიის ჯანდაცვის სამსახურებთან ურთიერთსასარგებლო თანამშრომლობის განვითარების კუთხით.

  2017-07-19

19 ივლისს, საქართველოში სახელმწიფო ვიზიტით მყოფი უკრაინის პრეზიდენტი პეტრო პოროშენკო ოჯახთან და უკრაინის სახელმწიფო დელეგაციის წევრებთან ერთად მესტიას ესტუმრა.
უკრაინის პრეზიდენტს მესტიაში სამეგრელო-ზემო სვანეთის გუბერნატორმა ლევან შონიამ, მესტიის მუნიციპალიტეტის გამგებელმა კაპიტონ ჟორჟოლიანმა, საქართველოს პრეზიდენტის ადმინისტრაციის უფროსმა გიორგი აბაშიშვილმა და ეროვნული უშიშროების საბჭოს მდივანმა დავით რაქვიაშვილმა უმასპინძლეს.
ვიზიტის ფარგლებში პეტრო პოროშენკომ დელეგაციის წევრებთან ერთად მესტიაში მარგიანების საგვარეულო კოშკი და სახლ-მუზეუმი დაათვალიერა. გაეცნო სვანურ კულტურას, ტრადიციებს და სამზარეულოს. პრეზიდენტის საპატივცემულოდ ადგილობრივმა ფოლკლორულმა ანსამბლმა ,, რიჰო,, -მ რამდენიმე სვანური სიმღერა შეასრულა.
უკრაინის პრეზიდენტს მესტიის მუნიციპალიტეტის გამგებელმა სახსოვრად მახშვის სკამი და სვანური ქუდი აჩუქა. სვანური ქუდები უსახსოვრა ასევე უკრაინიის დელეგაციის წევრებს.

...
6
...